EN DAAR VLIEG BORING WRAGTAG IN SY BLIENKIN’ GLORY

 

Hiert, jou mooi hoender!

‘n Hele ruk terug

Een verveelde koelerige oggend

drentel ek en die kameratjie in die strate van Stellenbosch

op soek om blerrie boring af te skud

stap ons twee alleen

myself en blerrie boring ekke

 

 

kliek kliek hier

en kliek kliek daar

‘O jou mooi balkon.  Waar’s jou Ma?’

soos ‘n verveelderige plaashoender

verveeld met sy boring menu

van blerrie boring mielies

pik pik maar hier

en pik pik maar daar

Hier kliek kliek en daar klieketjiekliek

Toe skielik

raak die menu mos interessant

toe hierdie prentjie voor my kom staan

Hierkom’nding! 

Vier vrouens – drie kaalvoet en een hoog gepolvaai

Opgedress in rokke van satyn en van kant

van kaalgattoon tot geswieshde haardoskroon

met die mooiste bestrikte bos rose in elke hand

Enter a caption

“Ja ja, hier kom ‘n wedding

Ja ja, hier kom ‘n ding

Ja ja, neem maar ‘n kiekie”

Daai voetjies heel regs moet nog relax

En vol van lag

en vol van giggel

pose die beautiful vier girls

(en ook die swartkopvrou langs die balie)

net vir my

in die middel van die straat

een miserable oggend

in Stellenbosch

ja, ja

en net daar vlieg blerrie boring

wragtag tot in sy bliengkien glory!

Blienkien’ boring het sy gat gesien

Cheers!

(effe verwerk van ‘n vorige inskrywing op my blogspot blog)

http://karinsegriffels.blogspot.co.za/2015/10/en-daar-vlieg-blerrie-boring-wragtag.html

‘n Goeie Push up Bra om my deur die dag te dra

16423031_1301980463212506_4961014376187200332_o

Mens moet mos bome en takke snoei

Sodat dit in die lente opnuut kan groei

Die voëls moet mos ‘n slag die pad vat en hul vlerke sprei

Hoër as hoog vlieg om die storms te vermy

Nuwe lug inasem

So vir vandag is my krulle uitgestryk

Sodat die voële en spinnerakke bietjie die pad kan vat en wyk

So sal hierdie dag ook verbygaan

Met ‘n nuwe push up bra

‘N nuwe bright rooi lipstiek

Want elke bietjie help

En sal my deur hierdie dag dra.

Kaalgestroop

img_183129782432982
Kunswerk deur Blompot

En so het my sê die naweek verdwaal

En nou is my sê vir eers opgesê

My dink het beide noord en suid gewyk

Agtergeblewe tussen die koeie

langs die stofpad op Riviersonderend

Kaalgestroop van dink en emosie lê ek dan hier

Stom

Stomp

Eendag op n reëndag

Sal ek weer my rooi lipstiek aansit

my rooi krale uithaal

My krulle in hul krulle inskud

Die wêreld aanskou

Ander dag.

Eendag.

Ek sal ‘n Voëlnes kan manage

16423031_1301980463212506_4961014376187200332_o

Scatter minded due to being in love –

Nogal ‘n mooie vertolking vir ‘n kop vol muisneste

Maar as ek dan n nes moét kies vir my wildgekruldehoof

Dan liewer een van krommerige takke en wyeblaarloof

Vir moeë voëls om ‘n rukkie te kom skuil

As die beneukte suid-oos weer so kerm en huil

Hul sal vir my ‘n mooierige liedjie tjirperig sing

Terwyl ek valserig saam hum-di-di-hum

 

 

 

 

 

 

 

HERE, HELP DAT MY ROOI LIPSTIEK HOU

received_m_mid_1404892605231_b31c7f5d10e7b10525_0.jpegGister was maar ‘n boggerop

Eergister was sommer ‘n  f*k*p

Vanoggend waai hier darem ‘n ligte bries

Lig my las darem so effentjies

My skouers sak bietjie en sit nie meer onder my ore

Die koffie smaak na koffie en ek let op die gechipte lak op my tone

Môre se pad had sy eie troubles

Vol kinkels krulle en wobbles

Ek vind myself bid

ag Heer

hier’s ek al weer

Vul tog my tenk met diesolien

Gee my ‘n skerper lig

Om beterder in die komende donker te sien

Vang my tog as ek wankel

Kan ek ook maar vra vir ‘n wip in my wandel

om te keer dat ek strompelend waggel

Ag, en laat my rooi lipstiek asb langer klou

En as U nie omgee

‘n Engel of dalk twee

Om daar te wees en my nou en dan vas te hou

Sodat ek hierdie duistere pad wat ek begin het

Met helderheid en suiwerder liefde

Klaar te kan maak

Amen.

Ps en eendag as als verby is

Êrens ‘n mooi huisie

Naby die berg

Met die mooiste rooi hekkie.

Morsige Merrie bak Piesangbrood

 

‘n Whatsapp aan my sus vanoggend.  Mens skryf mos anders vir jou bloedfamilie kom ek agter.   ‘Hey big Sista!  Ek dink sommer vanoggend aan jou.  Ek probeer om ‘n piesangprood te bak toe ek effe jammer voel vir die drie

20161224_142346-001
Piesangbrood gebak in Ma se stokou broodpanne.  Ma se teekoppie.  Boompie en bling – dis mos Kersfees.  Blomme vir Ma.

papperige piesangs.  Te jammer om hul weg te gooi.  Dis mos kos. Ek maak myself sommer moeg met hierdie tipe goed. Uitgeput sê ek jou.

Minus ‘n resep – toe maar sommer eers als geneuk in ‘n bak soos ek goedgedink het.  Meel. Eiers. Bakpoeier. Stewige skoot melk.  Zhoersh zhoersh eers met die aartappelmasher en toe met Ma se stokou klitser.  Toe met miss google gecheck of ek dalk nog iets moet bysit. Toe sien ek mens room eintlik botter en suiker saam – ‘n stappie wat  ek op daai stadium uitgelos het. Toe zhoersh ek maar bietjie margerien en suiker as ‘n troosprys by maar toe die spulletjie te slap lyk na my sin, toe sommer nog ‘n driekwart koppie gesifte meelblom om op te maak vir die eerste 2 koppies wat ongesif ingeneuk is.  Klonte jy weet mos.  Ek kon nie vanilla essence kry nie en sit toe sommer twee oorlooptelepels amandel essens in. Toe kry ek die vanilla agter die meelblik toe dag ek sjym en sit ‘n plat teelepel en nog ‘n blerts in.  Ek kon nie fynsout kry nie.  Toe maar sommer die grinder gegryp en sulke groot soutklonte ingegrind. Uiteindelik toe als klaar is toe begin die soektog  na Ma se twee afgeleefde broodpanne.  Elke kas deur 6 keer oopgemaak.  Op hurke met onwillige seer knie gebuk om diep agter in kaste te kyk.  Uiteindelik kom kyk Blompot hoekom die kasdeure so kap asof Ma effe moerig is.  Toe vind sy dit – feitlik onder my neus –  Pft.

Die stokou panne is net met n lappie uitgevee om nie Ma se aangebrandsels te ontstig nie en maar 2 stukke skeefgeskeurde waspapier ingesit.  Die kombuis het soos ‘n oorlog gelyk – ek weet nie hoe ek dit regkry nie maar ek sien Blompot het ook hierdie geen van haar Ma geërf.  Bietjie morsig in die kombuis.

Twee broodjies in die oond.  Kombuis uit-ein-de-lik aan die kant.  Ugh!  Nou wag ek maar.’

En so is ek toe so in my skik met my broupogingkie wat toe heel lekker smaak, dat ek gevoel het dit verdien ‘n kiekie.  Vir Ma wat in die Hemel is en na wie ek Kersfees erger verlang as ander tye.  Sien Ma?  Ek het die broodpanne gebruik en hul werk soos soos ‘n droom.   

Love your decorations mammi.

 

Geseënde Kersfees aan iedeer en elk wat hier beland en my griffelbrousels lees.

Vrede en liefde is seker die grootste geskenke in my opinie.

Mag dit jou omsingel.